Karl Weihe aftur á Paradise Hotel

Karl Weihe tekur av, tá hann sleppur inn aftur, og síðst í dagsins parti er tað ein gomul flamma, Christel Trubka, sum skal taka avgerð um hann skal sleppa í finaluna ella ikki. Avgerðina kenna vit ikki fyrr enn í morgin.

Finaluvika er á Paradise Hotel og tað merkir, at fleiri av luttakarunum eru komnir inn aftur á hotellið - hesaferð sum partur av dómsnevndini.

Ein teirra er 25 ára gamli Karl Weihe, sum var við í spælunum leingi, men sum herfyri varð tveittur út av sínum partnara frá byrjan, Alberte Buhl.

Í næstseinasta parti, sum gjørdist tøkur seinnapartin, eru vit á sjálvum finaludegnum og ein av teimum í dómsnevndini fær møguleikan at sleppa inn aftur og harvið møguleikan at koma í finaluna, sum skal vera seinni um dagin.

Karl Weihe verður valdur av hinum í dómsnevndini, at vera tann, sum hevur uppiborið at sleppa inn aftur. Nakað, sum hann sjálvsagt er sera fegin um.

- Tey velja sjálvandi meg, tí eg havi tað mest uppiborið og eg eri so glaður fyri at tey siga tað. Eg føli, at eg eri nummar eitt hjá teimum (dómsnevndini, red.) og tey fara at stríðast fyri at vinni, sigur Karl Weihe.

(Mynd: Viaplay)

Allar súður ikki syftar
Tvey pør verða í finaluni, og av tí, at tað eru fimm luttakarar eftir, verður ein síðsta parveljing har ein síðsti luttakari verður lúkaður út.

Tær báðar kvinnurnar sum eru eftir, Christel Trubka og Mathilde Bang, eru at velja í millum hjá teimum trimum Sean Bornkessel, Mathias Rubi og Karl Weihe.

Parturin endar við, at gamla flamman hjá Karli, Christel Trubka, stendur við avgerðini um at velja millum sandavágsmannin og Sean Bornkessel. Hvønn Christel Trubka velur, fæst ikki at vita fyrr enn í morgin fríggjadagin.

Í síðsta enda verður tað dómsnevndin, sum skal atkvøða um, hvør hevur tað mest uppiborið, at vinna Paradise Hotel 2025.

Finaluparturin av Paradise Hotel verður tøkur á Viaplay í morgin klokkan 15.

Les eisini: Byrja finaluvikuna uttan Karl Weihe

Les eisini: - Dreymurin tikin frá mær í síðstu løtu

Les eisini: Fær deyðshóttanir fyri at tveita Karl út