Kashoggi varð myrdur í tí hann trein inn á konsulátið

Høvuðsákærinum í málinum um saudiarabiska tíðindamanninum Jamal Khashoggi, sum varð myrdur á sauidarabiska konsulátinum í Istanbul, sigur, at Khashoggi varð myrdur so skjótt hann trein inn um dyrnar á konsulátinum.

Khashoggi, sum var sera atfinningarsamur inn á sausiarabiska samfelagið, varð kvaldur beinanveg, tá hann trein inn um hurðina. Hann var síðani skorin í petti, sigur Irfan Fidan, høvuðsákæri.

Saudiarabiski høvuðsákærin, Saud al-Mojeb, segði longu í farnu viku, at drápið var tilvitað. Hetta er í mótsøgn við almennu frágreiðingina úr Saudiarabia, sum hevur ljóðað, at drápið var eitt óhapp.