Lestrarstuðulin hækkar gott prosent

Av tí at miðalprístalið hækkaði 1,1 prosent í fjør, er lestrarstuðulin hækkaður nakrar krónur.

Sambært kunngerð frá mentamálaráðnum, er lestrarstuðulin til teirra, ið taka hægri lestur ella taka eina førleikagevandi útbúgving nú 4.362 krónur.

Studningurin til teirra, ið lesa á miðnámi ella í fólkaskúla er 3.857 krónur til útibúgvandi og 1.858 krónur til heimabúgvandi.

Kunngerðin kemur í gildi 1. august.