Innanlands

Løgmaður bjóðar Boris Johnson til Føroyar

Í brævi ynskir Bárður á Steig Nielsen bretska forsætisráðharranum tillukku við valúrslitinum, og bjóðar hann honum til minningarhaldið næsta ár, ið markerar 75 ára dagin fyri endan av bretsku hersetingini undir seinna heimsbardaga

Boris Johnson og Bárður á Steig Nielsen í Downing Street (Savnsmynd)

Boris Johnson og Bárður á Steig Nielsen í Downing Street (Savnsmynd)

2019-12-15 09:34 Author image
Alda Nielsdóttir

Bárður á Steig Nielsen, løgmaður, hevur borið Boris Johnson lukkuynski, nú flokkur hansara vann tjóðartingsvalið, ið var hósdagin 12. desember.

Í brævinum til bretska forsætisráðharran takkar løgmaður somuleiðis fyri fundin, sum teir báðir høvdu í Downing Street fyrst í november. Eisini vísir løgmaður á góða sambandið millum Stórabretland og Føroyar og møguleikan fyri tættari samstarvi.

Komandi ár verða tað eisini 75 ár síðan, at seinni heimsbardagi og bretska hersetingin av Føroyum endaði, og í hesum sambandi nýtti løgmaður høvi til at bjóða Boris Johnson til 75 ára minningarhaldið, sum skipað verður fyri í Føroyum.

Brævið til Boris Johnson kann lesast her.

placeholder
placeholder