Innanlands

Løgmaður: Danmark er nú á reyða listanum

Hetta hevur Bárður á Steig Nielsen júst váttað, eftir at landslæknin hevur lýst tað reytt í mun til vandan fyri coronasmittuna. Í morgin verður fundur við Atlantic Airways um støðuna

Hetta kann merkja, at flúgving millum Føroyar og Danmark verður avmarkað til tað, sum er bráfeingis - bara tað sum er púra neyðugt (Mynd: Sverri Egholm)

Hetta kann merkja, at flúgving millum Føroyar og Danmark verður avmarkað til tað, sum er bráfeingis - bara tað sum er púra neyðugt (Mynd: Sverri Egholm)

2020-03-12 19:42 Author image
Agnar Prestá
placeholder

At myndugleikarnir í morgun ikki stongdi Føroyum fyri umheiminum - serliga flúgving í Danmark - skapti stóra ónøgd.

Sí eisini: 
Eiga Føroyar at steðga allari flúgving
Spyrfo: Fólkið vil støðga flogferðsluni
Undirskriftinnsavnan til áheitan um ferðafólkaforðboð


Sjúrður Skaale, fólkatingsmaður fyri Javnaðarflokkin, var beinanvegin úti við rívuni, og í høvuðsheitinum hava tey flestu sum hava viðmerkt á Portalinum og á sosialu miðlunum víst sína ónøgd. Yvir 2000 hava skrivað undir eina innsavnan sum byrjaði um middagsleitið.

Seinnapartin var eitt ferðafólk, sum var umborð á einum flogfari úr Keypmannahavn óg vísti sjúku eyðkenni, koyrt í sóttarhaldi.

Nú  hava myndugleikarnir broytt støðu. Bárður á Steig Nielsen segði í Degi&Viku fyri lítlari løtu síðani, at landslæknin fyri løtu síðani hevur eyðmerkt Danmark, har smittan av álvara hevur spreitt seg í vikuni, sum eitt reytt øki.

Hetta er á støði við millum annað Norðuritalia, og eftir tilmælinum hjá myndugleikunum kann tað tulkast sum, at øll ferðaflúgvinflúgving úr Danmark skal stegðast. Hetta veður tó ikki endaliga avgjørt fyrrrenn í morgin - myndugleikarnir skulu á fund við Atlantic Airways í morginárini, boðaði Bárður á Steig Nielsen frá.

Tað kann eisini merkja, at fólk ið koma úr Danmark skulu í sóttarhald í 14 dagar, tá tey koma til Føroyar.

Løgmaður vísti í kvøld á, at tað ikki var ein skeiv avgerð, at bíða við at steðga flogferðsluni. Hann merkti áðrenn tíðindafundin í morgun, at ætlaðu tiltøkini tyktust heldur ógvislig, men tey røttu sambært serfrøðini.

placeholder
placeholder