Løgreglan kannar enn herverk á RIB-bát

Løgreglan kannar framvegis mál um herverk, sum er gjørt á RIB-bát í Miðvági 3. august ella 4. august.

Tekniskar royndir eru gjørdar og spor eru tryggjaði. Ein knívur var millum annað lagdur eftir í bátinum. Royndirnar eru sendar til Danmarkar til kanningar, og slíkt tekur tíð, upplýsir vaktleiðarin á løgreglustøðini.

Báturin hevur fingið stóran skaða.

Sum skilst er knívurin brúktur at skera hol á púturnar á bátinum og fleiri slangur eru kvettar av. Eisini er hol borað gjøgnum skrokkin.