Løgreglan: Kunnið tykkum um ferðslubroytingarnar

Í dag er Tórshavn Marathon á skránni, og í hesum sambandi verða ávísir vegir og tunlar stongdir seinnapartin millum klokkan 12.30 og 19.

Løgreglan ynskir í hesum sambandi at minna fólk á at kunna seg um og virða hesar ferðslubroytingarnar, um tey hava ørindi í høvuðsstaðnum í dag.

Millum annað eru Eysturoyartunnilin og Kollafjarðartunnilin stongdir seinnapartin, og skal bilaferðslan koyra eftir Oyggjarvegnum, meðan tunlarnir eru stongdir.

Til ber at kunna seg meira um ferðslubroytingarnar á heimasíðuni hjá Landsverki her, og á heimasíðuni hjá Tórshavnar kommunu her.