Løgreglan mátti leiða ferðsluna

51 hval løgdu beinini í Sandágerði í gjár, og sera stórur áhugi var fyri at verða við í og síggja drápið.

Nógvur bátar tóku lut í drápinum, og á landi var so nógv fólk, at ferðslan kring Sandágerð koyrdi illa.

Bilar stóðu allastaðni fram við vegnum, heilt frá landssjúkrahúsinum og út á Argir. Eitt nú hevði bussleiðin trupulleikar við at koyra á teininum.

Vaktleiðarin á løgreglustøðini sigur, at vanligt er at løgreglan fer út at leiða ferðsluna tá grind er. Hetta varð so eisini gjørt í gjár og alt spældi væl av.