Fólkatingsvalið eftir øllum at døma í somu viku sum Løgtingsvalið

Tað eru rímiliga stór sannlíkindi fyri, at føroyingar hava møguleika fyri at seta tveir ymiskar krossar - til tvey ymisk val - í somu viku seint í mars.

Í gjár, mikudagin 25. februar um hálvgum fýra-tíðina, skrivaði Aksel V. Johannesen út nýval. Hetta at vera hósdagin 26. mars.

Sí eisini: Løgmaður sveiggjaði taktstokkin í tingasalinum og tók nógv av bóli

Video - Trúgvi einki uppá andvekrið hjá løgmanni: - Hetta er fyrireikað í tveir dagar

Tað er júst ein mánaði til hetta, og flokkanir eru longu fulldrøn í valstríði.

Men har er eitt annað val, ið lúrir: Fólkatingsvalið 2026. 

Tað skal í seinasta lagi vera 1. november, men tað hevur leingi verið greitt, at so mikið leingi situr SVM-stjórnin hjá Mette Frederiksen ikki.

Støðan við Grønlandi og USA hevur fylt nógv í seinastuni hjá Mette Frederiksen og dønum (Mynd: Sverri Egholm)

Í vetur hevur verið gitt dúliga, nær forsætisráðfrúan fer at trýsta á knøttin. Og nú veljarakanningarnar eru batnaðar - serliga hjá sosialdemokratunum og Moderatunum (Lars Løkke Rasmussen) - hava metingarnar sett seg á síðst í mars ella nakað inn i apríl.

Seinasta heila vikan í mars, vika 13, hevur verið tann mest nevnda í donsku miðlunum og í politiska umhvørvinum í seinastuni, og keldur hjá Portalinum í millum annað Danmark peika nú á týsdagin 24. mars. Tað vil siga tveir dagar áðenn løgtingsvalið.

Hetta verður sum skilst endaliga váttað í dag næstu viku. Mette Frederiksen velur møgiliga at bíða, tí stórt kongaligt tiltak er nú fríggjadagin - onkrar ábendingar eru tó um, at tað kann vera útskrivað á tingfundinum, sum er nú. 

Hoyr eisini løgmann: - Eingin visti av hesum