Lupu á mann, settu eld á og rændu

Tveir menn eru í grundlógaravhoyring seinnapartin, skuldsettir fyri grovan harðskap, fyri at hava sett eld á við vilja, og fyri rán.

Hetta fór fram í Tróndargøtu í Havn um 18 tíðina í gjárkvøldið.

Ein maður var í húsunum, og hann varð fyri ógvusligum harðskapi, og so var eldur eisini settur á, veit útvarpið.

Annar av skuldsettu monnunum varð handtikin í gjárkvøldið og hin í morgun.

Grundlógaravhoyringin er fyri afturlatnum hurðum.