Uttanlands

Maður lat seg í klæðini hjá Kashoggi og fór út at ganga

Ein av teimum 15 fólkunum, sum eru undir illgruna í málinum um deyða Kashoggi, lat seg í klæðini hjá tí deyða og gekk út úr saudiarabisku sendistovuni

Jamal Kashoggi (t.v.) og Mustafa al-Madini (t.h.) (Skíggjamynd: CNN)

Jamal Kashoggi (t.v.) og Mustafa al-Madini (t.h.) (Skíggjamynd: CNN)

2018-10-22 13:32 Author image
Ari av Rana
placeholder

Saudiarabiski tíðindamaðurin Jamal Kashoggi fór inn á sendistovuna hjá Saudi Arabia í Istanbul tann 2. oktober, og varð aldrin sæddur aftur. Síðani er sagt, at ein bardagi á sendistovuni endaði við at Kashoggi lat lív, og saudiarabiski uttanríkisráðharrin, Adel al-Jubeir, hevur kallað hendingina fyri eitt morð.

CNN skrivar nú, Mustafa al-Madini, sum er ein av teimum 15, sum eru undir illgruna í málinum, er sæddur á sjónbandi, har hann gongur runt í klæðunum hjá Kashoggi, aftaná at hesin lat lív. Maðurin sæst fara úr saudiarabisku sendistovuni í klæðunum, við følskum skeggi og brillum.

Málið hevur ført til nógv rumbul á politiska pallinum, har heimurin krevur at vita hvat hendi við Jamal Kashoggi.

placeholder
placeholder