Maðurin og báturin funnin úti við Glyvursnesi

Tað var klokkan hálvgum tvey í dag, at løgreglan boðaði frá, at teir søknaðust eftir einum 53 ára gamlum manni, sum var farin út við bátinum Bakkafossur seinnapartin í gjár.

Løgreglan bað fólk seta seg í samband við tey, um tey vistu okkurt, og longu ein tíma seinni varð báturin og maðurin funnin úti við Glyvursnesi. Og fyri løtu síðani sleipaði grótbáturin Siri bátin í land.

Sambært løgregluni hevur maðurin tað heilt gott.