Myanmar: Jarðskjálvtin kravt yvir 2.000 mannalív

Talið á persónum, sum hava latið lív í jarðskjálvtanum í Myanmar heldur á at vaksa.

Í dag boðar hernaðarstýrið í Myanmar frá, at jarðskjálvtin nú hevur kravt yvir 2.000 mannalív, og at 3.900 eru særdir.

Jarðskjálvtin, sum rakti Myanmar fríggjadagin varð mált til 7,7 á Richter-stiganum.

Mánadagin er landasorg lýst í eina viku.

Sjálvtin merktist eisini í grannalondunum Tailand og Kina. Í tailendska høvuðsstaðnum Bangkok hevur jarðskjálvtin kravt í minsta lagi 17 mannalív.

Amerikanski stovnurin United States Geological Survey metti um vikuskiftið, at talið á deyðum kann koma upp á millum 10.000 og 100.000.