Nógv hevur verið arbeitt uppá brunnarnar í tunnlinum

Í alt vóru sprongdir 105 metrar í seinastu viku. Sprongt er minni hesa vikuna samanborið við síðstu viku. Orsøkin er, at enn eitt strekki av vegi er gjørt í tunlinum á Hvítanesi, umframt at lekar eru tettir á báðum síðum av tunlinum.

Eitt umfatandi arbeiði at gera pumpubrunnarnar lidnar er eisini í gongd í løtuni. Í tunlinum verða fimm brunnar har vatn, sum lekur inn í tunnilin verður samla í, áðrenn tað verður pumpa út. Orsøkin til, at tað eru fimm brunnar, er fyri at samla vatni ávegis, áðrenn tað rennur heilt niður á botn í tunlinum, sum er á -189 metrum har hann er lægst. Hetta fyri at spara orku. Ein brunnur er niðast í tunlinum, síðan eru tveir brunnar fyri hvørjar 80 metrar upp á hvørjari síðu. Er ólag á at pumpa vatnið út á tí eini síðuni, ber til at pumpa tað út hinumegin. Brunnarnir eru innrættaðir soleiðis, at vatn, frá tá tunlarnir verða vaskaðir, fer í serligar brunnar við oljuskiljara, áðrenn tað verður leitt út. Higartil eru tríggir av fimm brunnum sprongdir lidnir. Vatnið sum veður pumpa út eysturoyarmegin skal ætlandi gagnnýtast av Runavíkar Kommunu til fjarhitaskipan til kommunalar bygningar skamt frá tunnilsmunnanum, skrivar P/F Eystur- og Sandoyartunlar á Facebook.