Uttanlands

Noreg: Óttast fyri at missa Helge Ingstad

Bara tað ovasta av fregattini stingur upp – í dag versnar veðrið

(Mynd: EPA)

(Mynd: EPA)

2018-11-14 06:57 Author image
Ingi Samuelsen
placeholder

Norska verjan ber nú ótta fyri at missa nýmótans herskipið Helge Ingstad, sum í farnu viku rendi saman við eitt tangaskip.

Fyri at bjarga skipinum varð tað lagt inn móti landi í Hjeltefjorden og fleiri endar festir í fjallið. Síðan óhappið hevur veðrið verið óvanliga gott í økinum, men nú verður boðað frá illveðri, og vónirnar um at skipið kann bjargast eru við at svinna.

Í gjáranáttina slitnaðu fleiri av endunum, og fregattin gleið nakað oman, so at tað í gjár bert var tað ovasta av skipinum, ið stakk undan.

Helge Ingstad er 134 metrar long og varð bygd í Nevantia í Ferrol í Spania. Talan er um serbygt herskip av sonevnda Nansen-slagnum. Um skipið søkkur, so er talan um serútgerð fyri fleiri milliardir krónur, sum fer í havið, skrivar NRK.

 

placeholder
placeholder