Alda Nielsdóttir
Frans pávi varð í dag úrskrivaður frá Gemelli-sjúkrahúsinum í Rom, har hann hevði verið innlagdur síðan 14. februar.
88 ára gamli pávin veitraði frá einum svala á sjúkrahúsinum, stutt áðrenn hann bleiv útskrivaður, og síðani er hann koyrdur burtur frá sjúkrahúsinum í einum bili.
Hetta varð fyrstu ferð, at pávin varð sæddur alment í fimm vikur.
Stutt eftir, at hann varð útskrivaður, kom Frans pávi við áheitan á Ísrael um at steðga álopunum í Gaza alt fyri eitt. Samstundis heitti hann á partarnar í stríðnum um at taka samskiftið uppaftur fyri at fáa gíslar leyslatnar og fáa eina varandi vápnahvíld, skrivar Ritzau.
Pávin hevur fleiri ferðir verið innlagdur seinastu árini, men hendan seinasta innleggingin hevur verið tann longsta, síðan hann gjørdist pávi í 2013.
Myndirnar niðanfyri eru frá EPA-myndatænastuni:
Vinarliga broyt tínar kennifíla - og privatlívsstillingar fyri at síggja hetta innihald