Uttanlands

Nú fer at bera til at síggja, hvussu nógva tíð tú brúkar á telefonini

Tá ið iOS 12 til iPhone kemur út seinni í ár, kanst tú síggja hagtøl fyri hvussu ofta tú tekur telefonina fram um dagin

(Mynd: EPA)

(Mynd: EPA)

2018-06-26 08:30 Author image
Oda Strøm
placeholder

Ein og hvør við einari iPhone 5s ella nýggjari model, fer í heyst nágreiniliga at kunna síggja akkurát hvussu nógva tíð, ein brúkar á telefonini. 

Nýggja dagføringin til stýrisskipanina iOS fer nevniliga at hava ein nýggjan valmøguleika, sum eitur "Screen Time", skrivar CNN. "Screen Time" telur hvussu nógva tíð ein brúkar á telefonini um dagin og um vikuna, og hvussu nógva tíð, ein brúkar á ymisku appunum. "Screen Time" fer eisini at vísa, hvussu nógvar fráboðanir tú fært, og hvussu ofta tú opnar telefonina. 

- Tá ið fólk fáa tølini, mugu tey sjálvi gera av, hvat tey brúka tey til, segði stjórin í Apple, Tim Cook, við sjónvarpsrásina CNN í farna mánaða, tá ið iOS 12 varð lagt fram. 

 

placeholder
placeholder