Nú skulu matstovur fáa loyvi at innflyta vín

Vinnumálaráðið hevur sent lógaruppksot til hoyringar sum skal tryggja, at matstovur og aðrar fyritøkur kunnu fáa loyvi at innflyta vín uttan um Rúsuna.

Lógaruppskotið sum er sent til hoyringar sigur, at Loyvisnevndin skal kunna geva matstovum og øðrum loyvi til at innflyta vín, sum í mesta lagi er 15 prosent, frá 1. Januar 2019, skrivar KVF.

Meðan matstovuvinnan hevur víst á at hon hevur brúk fyri størri úrvali av dygdarvíni, skulu fyritøkur kunna selja innflutta vínið til Rúsuna og til fyritøkur, sum hava skeinkiloyvi.

Vinnumálaráðið metur, at hetta fer at kosta Rúsdrekkasøluni 1,35 mió. kr. í 2019, 1,48 mió. kr. í 2020 og 1,62 mió. kr. í 2021.