Nýtt tekstvideolag frá Marstin and the Revelators

Marstin and the Revelators hava latið úr hondum nýtt staklag. Lagið eitur My Love, og er t​økt á YouTube og Spotify. 

Gøtumaðurin Martin í Grund hevur slitið nógvar plektarar og gittarstreingir í góða gróðrarlendinum í Grót-umhvørvinum. Í 2007 flutti hann til Onglands, og setti á stovn bólkin Marstin and the Revelators við føroyskari og enskari manning. Síðani tá hevur bólkurin givið tvær fløgur út: Fruit and Animals og Reach for the Heigths. Bólkurin lá í dvala í nøkur ár, og tók aftur at spæla í 2016 við nýggjari føroyskari manning.

My Love varð tikin upp í Bunkaranum í Havn. Mikael Blak framleiddi, Benjamin Petersen hevur klipt og ljóðblandað, og Fred Ruddick hevur mastrað. 

Leygarkvøldið verður My Love at hoyra á konsert í Sirkus, har The Revelators spæla saman við Jákupi á Lakjuni og Lyon.