Uttanlands

Ógvuslig ódn rakt India og Bangladesj

Minst 14 fólk hava latið lív í ódnini Amphan

(Mynd: EPA)

(Mynd: EPA)

2020-05-21 09:48 Author image
Ingi Samuelsen
placeholder

Minst 14 fólk eru deyð í India og Bangladesj eftir at ein tropisk ódn rakti londini. Ódnin Amphan rakti í gjár eystara part av India og Bangladesj við harðari styrki.

Fleiri túsund heim eru oyðiløgd, upplýstu myndugleikarnir í gjár.

Fólkaríki staturin Vestur-Bengal er harðast raktur. Her vórðu máldar hvirlur á yvir 51 metrar um sekundið. Talan er um harðastu ódn, ið hevur rakt landið í fleiri ár, skrivar Reuters.

Higartil eru tíggju fólk funnin deyð orsaka av ódnini í Vestur-Bental, sigur ovasti leiðarin í statinum, Mamate Banerjee.

Í grannalandinum Bangladesj eru fýra fólk deyð í storminum.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder