Øll í Nes kommunu mugu kóka vatnið

Síðan 18. september hevur verið neyðugt hjá borgarum í Saltnesi at kóka drekkivatnið orsakað av bakterium, sum eru staðfestar í vatninum, men nú eru tað ikki bert tey í Saltnesi, sum mugu kóka vatnið.

Í gjár staðfesti Nes kommuna, at bakteriur vórðu funnar í drekkivatninum í øllum bygdunum í kommununi.

Kommunan mælir tí til, at øll kóka drekkivatnið, til nærri boð koma, skrivar hon á heimasíðuna.