Peter Marner Jacobsen skal rinda 7,15 mió. kr. í endurgjaldi

Peter Marner Jacobsen, Fyrrverandi nevndarformaðurin í Eik Banka í Danmark og stjóri í føroyska Eik Banka, skal rinda 7,15 mió. kr. í málinum, har Fíggjarligt Støðufesti hevur reist endurgjaldskrav mót Eik Banka í Danmark.

Dómurin varð sagdur eftir áleið 58 rættarfundir.

Fíggjarligt Støðufesti helt, at bankin ikki var leiddur forsvarliga, og at leiðslan hevði beinleiðis svikið í seks førum. Tí kravdi Fíggjarligt Støðufesti endurgjald á 250 mió. kr.

Eystari Landsrættur metti tó, at ein bert ein partur av tí eina førinum var so álvarsamt, at endugjald skuldi rindast. Hetta var eitt føri, har Schaumann samtakið varð innblandað. Dómarin legði dent á, at sjálvt í sjálvum Eik Banka varð hildið, at ein játtan á 28 mió. kr. var illgrunasamt, skrivar Finans.dk.

Fíggjarligt støðufesti varð dømt at gjalda 40 mió. kr. í sakarmálskostnaði.