Putin á vitjan í Kursk landslutinum

Russiski forsetin, Vladimir Putin, var í gjárkvøldið á vitjan í russiska Kursk-landslutinum á markinum vestur móti Ukraina.

Hetta er fyrstu ferð síðan ukrainskar herdeildir hertóku ein part av økinum í august 2024, skrivaðu russisku tíðindastovurnar í gjárkvøldið.

Putin vitjaði eina eftirlitsstøð, sum russisku herdeildirnar brúka, og fekk eina frágreiðing um støðuna frá Valery Gerasimov, ovasti fyri russisku herleiðsluna, sum kundi greiða frá, at ukrainsku herdeildirnar í Kursk-landslutinum nú “eru kringsettar”.

Fyrr í gjár segði ukrainski forsetin, Volodymyr Zelenskyj, at russiski herurin hevur hert álopini á býin Sudzja í Kursk-landslutinum, meðan Kyir “roynir at bjarga sínum herfólkum”, skrivar Danmarks Radio.