Rendi á ross á Sandoynni

Ikki er óvanligt at bilførarar koyra á seyð, sum hevur vilst seg út á vegin. Men óvanligt er, at bilførarar koyra á ross.

Júst hetta hendi í gjárkvøldið klokkan 21:15 á vegnum millum Sand og Skálavík á Sandoynni.

- Ein bilur kemur koyrandi eftir vegnum millum Sand og Skálavík, tá eitt ross gongur út á vegin. Eingin persónsskaði stóðst av hendingini, og rossið fekk heldur ongan skaða og gekk víðari, sigur vaktleiðarin á løgreglustøðini.

Lukkutíð fingu hvørki persónur ella ross skaða, men bilurin fekk stóran skaða, sigur vaktleiðarin.

Løgreglan gjørdi eisini ferðamátingar á Suðuroynni í morgun beint fyri klokkan 8, og har skikkaðu allir bilførarnir seg væl, tí at eingin sak varð.