Royna aftur nú at finna semju

Ósemja er enn um nýggja sáttmálan fyri Strandferðsluna, og tí hittist Semingsstovnurin við Skipara og Navigatørfelagið og Lønardeildina hjá Fíggjarmálaráðnum í morgun.

Partarnir samráddust fríggjadagin, men annars hevur ikki verið fundast um vikuskiftið, skrivar KVF.

Skipara og Navigatørfelagið og Lønardeildin hava havt sjey fundir sínámillum um nýggjan sáttmála, men tá ikki bar á mál varð boð sent eftir Semingsstovninum.