Runavíkar kommuna fingið Hagvarp

Runavíkar kommuna hevur tikið stig til at gera lyklatøl hjá kommununi atkomilig. Hetta er gjørt við at Hagstova Føroya hevur gjørt kommununi eitt sonevnt Hagvarp.

Í Hagvarpinum verða ymisk dagførd lyklatøl fyri Runavíkar kommunu, so sum fólkatal, til- og fráflyting, burðaravlop, arbeiðsloysi, lønargjaldingar, løntakarar og tal av skúlanæmingum, innlisin úr skipanum hjá Hagstovuni.

Hagvarpið sæst við at trýsta á hesa leinkjuna.

Hapvarpið gevur eitt gott innlit í samfelagsgongdina á ymiskum økjum og kann t.d. nýtast í kunningar- og undirvísingarhøpi, skrivar kommunan á heimasíðu síni.