Sverri Egholm
Fyri veður eru fleiri avlýsingar hjá bæði Strandferðsluni og hjá Atlantsflogi.
Strandferðslan hevur avlýst leið 700 og 701 í Suðuroynni, og leið 500 og 504 í Norðoyggjum. Siglt verður heldur ikki millum Sand og Skúvoy og heldur ikki til Fugloyar.
Flogfarið úr Barcelona, sum skuldi lenda seinnapartin er seinkað. Sambært ferðaætlanini stendur tað nú at koma 20:02. Kvøldarflogfarið úr Keypmannahavn, sum eftir ætlan skuldi lenda klokkan 19:55 lendir væntandi klokkan 23:45, og rutuflogfarið úr Billund er eisini seinkað. Skuldi lenda klokkan 21:35 men lendir nú eftir ætlan 01:30 í nátt.
Einasta fráferðin sum er seinkað higartil er tann, sum skuldi vera til Billund klokkan 17:05 í dag. Tann fráferðin verður væntandi klokkan 21, upplýsir Vága Floghavn.
Vinarliga broyt tínar kennifíla - og privatlívsstillingar fyri at síggja hetta innihald