Samráðingar millum Ísrael og Libanon byrja týsdagin

Í komandi viku verða samráðingar millum Ísrael og Libanon.

Samráðingarnar byrja týsdagin, og tær verða í amerikanska høvuðsstaðnum Washington D.C., upplýsir skrivstovan hjá libanesiska forsetanum.

Ísrael váttar eisini, at landið fer undir friðarsamráðingar við Libanon týsdagin men leggur afturat, at vápnahvíld við Hizbollah ikki verður umrødd, skrivar Ritzau.

USA verður meklari millum londini, og samskifti hevur verið millum partarnar.

Her er talan um eina telefonsamrøðu millum sendiharrar í USA umframt amerikanska sendiharran í Libanon.