Uttanlands

SAS byggir Airbus A340 til farmaflogfar

Serligu tíðirnar í flogvinnuni krevja nýggjar loysnir

(Tilvildarlig savnsmynd: EPA)

(Tilvildarlig savnsmynd: EPA)

2020-03-26 10:26 Author image
Ingi Samuelsen
placeholder

Stóra skandinaviska flogfelagið SAS roynir nú nýggjar leiðir, og hevur valt at byggja eitt av stóru Airbus A340 ferðafólkaflogførunum um til farmaflogfar. Fyrsti túrurin hjá umbygda flogfarinum verður í dag.

SAS Cargo saman við Scan Global Logistics eru farin saman um hesa ætlan, skrivar miðilin insideflyer.dk.

Hetta er fyrstu ferð í nógv ár, at SAS hevur farmaflogfar í sínum flota.

Stjórin í Scan Global Lostics upplýsir fyri insideflyer.dk, at stórur eftirspurningur er á flutningi av farmi til og úr USA. Tí var tað natúrligt at spyrja SAS Cargo um møguleikan fyri samstarvi til tess at nøkta tørvin á at veita amerikanska marknaðinum eina tænastu.

Eisini týska flogfelagið Lufthansa hevur lagt nøkur flogfør um til farmaflutning, skrivar insideflyer.dk. 

placeholder
placeholder