Uttanlands

Saudiarabiski krúnprinsur settur í samband við deyða Khashoggis

Mett verður, at ljóðupptøka av morðinum avdúkar, at krúnprinsurin visti um tað

Jamal Khashoggi

Jamal Khashoggi

2018-11-13 12:33 Author image
Ari av Rana
placeholder

Ein ljóðupptøka av drápinum av saudiarabiska journalistinum Jamal Khashoggi avdúkar, at krúnprinsurin í saudiarabia visti um morðið.

Jamal Khashoggi varð dripin á saudiarabiska konsulátinum í Istanbul tann 2. oktober. Síðani tá hevur verið roynt at avdúkað hvør gav boð um at Khashoggi skuldi lata lív.

Nú er ein ljóðupptøka frá telefonsamrøðu komin fram, og tey, sum hava hoyrt hana siga, at har hoyrist, at saudiarabiski krúnprinsurin, Mohammed, bin Salman, visti um drápið.

Á ljóðupptøkuni, sum amerikanska loynitænastan CIA hevur fingið, hoyrist, at ein sigur “sig tínum sjefi”. Sambært amerikansku myndugleikunum er sjefurin krúnprinsurin. Eisini hoyrast orðini “gerðin er framd”.

The New York Times, sum hevur fingið at vita um ljóðupptøkuna sigur, at maðurin, sum tosar í telefonini er Maher Abdulaziz Mutreb, sum er oberst í Saudiarabisku fregnartænastuni, og ein av teimum 15 persónunum, sum turkiska løgreglan sigur vórðu send til Istanbul at seta seg upp ímóti Khashoggi.

placeholder
placeholder