Sigmund frá X Factor verður radiovertur

Føroyski Sigmund Tróndheim verður radiovertur á P3 í summar. Tað fortaldi Sigmund í einum Instagram-uppslagi í gjár.

Hann verður at hoyra í viku 28 frá 12-14 danska tíð saman við kenda radiovertinum Sara Bro.

Sigmund gjørdist kendur um alt kongaríkið, tá hann við síni stóru persónligheit luttók í X Factor fyrr í ár. Hann varð sendur heim úr kappingini beint áðrenn finaluna - men tað sær ikki út til at hava minkað um hansara popularitet.