Agnar Prestá
Gitingar hava verið í eina tíð - eisini áðrenn valini vórðu útskrivaði - og nú Javnaðarfelagið í Suðurstreymoy hevur havt uppstillingarfund, kann tað staðfestast:
Sjúrður Skaale stillar heldur ikki upp til løgtingsvalið hesaferð: Hann er ikki á javnaðarlistanum til valið 26. mars.
Tó verður havnarmaðurin, við nógvu royndunum, á fólkatingslistanum. Sjúrður Skaale hevur verið fólkatingsumboð fyri Javnaðarflokkin í 14 og eitt hálvt ár.
Hann fekk 3.806 atkvøður til fólkatingsvalið í 2022 og ætlar ikki at føra tvey valstríð samstundis.
- Tað ber als ikki til at føra tvey valstríð í senn. Flokkurin hevur tann greiða politikk, at fólkatingssessurin skal røkjast fulla tíð. Dupult umboðan er hálv umboðan. Tí kann eg ikki við trúvirði biðja fólk velja meg á Fólkating – og samstundis biðja tey velja meg á Løgting, skrivaði Sjúrður Skaale fyri lítlari løtu síðani.
Vinarliga broyt tínar kennifíla - og privatlívsstillingar fyri at síggja hetta innihald