Skoytibreytin í Gundadali letur eftir ætlan upp 4. desember

Týsdagin boðaði Tórshavnar kommuna frá, at skoytibreytin ikki fer at vera í Vágsbotni kortini men á niðara vølli í Gundadali, og at talan verður um eina breyt í fullari stødd - umleið 30 x 25 metrar.

Les eisini: 

Nólsoyar Páll má lúta fyri skoytibreyt

Skoytibreyt í fullari stødd á niðara vølli í Gundadali

Í dag boðar kommuna frá, at eftir ætlan letur skoytibreytin á niðara upp fyri almenninginum leygardagin 4. desember. 

Tórshavnar kommuna skrivar á heimasíðu sínari, at mett verður ikki, at nakrir trupulleikar eru at fáa vøllin lidnan til tíðina – men veðrið er sjálvandi avgerandi.

Lýst verður seinni um upplatingartíðir, og um hvørji onnur tiltøk vera við vøllin.