Innanlands

Smittutalið lækkar

Eingin koronutilburðir varð staðfestir í gjár, men fýra persónar vórðu staðfestir frískir. Fyri viku síðani vóru 59 fólk smittaði við koronu í Føroyum - nú er tað talið 24

Í alt eru 213.054 kanningar gjørdar - 24 eru smittaði í løtuni (Mynd: Jens Kr. Vang)

Í alt eru 213.054 kanningar gjørdar - 24 eru smittaði í løtuni (Mynd: Jens Kr. Vang)

2021-01-14 12:18 Author image
Agnar Prestá
placeholder

Tað eru framvegis 647 persónar, sum hava fingið staðfest smittuna í Føroyum. Fyrsti tilburðirin varð staðfestur 4. mars í fjør. Eingin nýggjur smittutilburður varð staðfestur í teimum 636 kanningunum í gjár. Tað vísa nýggjastu tølini hjá Landslæknanum. 

Í alt eru 623 persónar staðfestir frískir aftur. Hetta talið er vaksið við fýra síðani í gjár, og sostatt eru 24 persónar smittaðir í løtuni. Fyri einari viku síðani vóru 59 aktivir smittutilburðir 

Í alt eru 213.054 kanningar gjørdar.

Ein persónur er í løtuni innlagdur á Sjúkrahúsverki Føroya í sambandi við koronusmittu, skrivar corona.fo.

 

placeholder
placeholder