Sofus Debes Johannesen fekk ársins herðaklapp í Sunda kommunu

Í gjárkvøldið vóru Mentanardagar 2021 í Sunda kommunu settir. Umframt røður og sangir varð avdúkað, hvør hevði fingið ársins herðaklapp í kommununi fyri 2021.

Trivnaðarnevndin hevur valt millum øll tey innkomnu uppskotini, og valið fall á Sofus Debes Johannesen frá Gjógv. Grundgevingin fyri at geva honum heiðurin ljóðaði soleiðis:

- Ársins herðaklapp 2021 fær Sofus Debes Johannesen, fyri sítt trúfasta arbeiði fyri Gjáar bygd, Sunda Judofelag og EB/Streym.


Sofus Debes Johannesen t.v 

Við heiðrinum fylgir ein peningagáva á 3.000 krónur og gáva úr føroyskum gróti, sum myndar brúnna yvir Streymin og gjónna við Gjógv.

Sofus var burturstaddur á degnum, so systir hansara Johanna Vang møtti í hansara stað og tók ímóti heiðrinum.

Trivnaðarnevndin valdi eisini at heiðra bókini "Tey búsettust á Oyrarbakka" sum Sólgerð Andreassen og Annfinn Danielsen góvu út fyrr í ár, skrivar sunda.fo.

Les eisini: Sunda kommuna: Nú fara mentanardagar í gongd