
Hernaðarstýrið í Myanmar avmarkar veitingina av neyðhjálp í økjum, sum vórðu rakt av stóra jarðskjálvtanum 28. mars, sigur mannarættindaskrivstovan hjá ST, OHCHR.
Landið hevur verið merkt av bardøgum millum herin og uppreistrarbólkar, síðan herurin tók valdið í landinum í 2021, og sambært OHCHR hevur stýrið avmarkað veitingina av neyðhjálp til øki, sum herurin ikki hevur tamarhald á.
Eisini verður upplýst, at OHCHR í løtuni kannar 53 fráboðanir um m.a. loftálop hjá hernaðarstýrinum. 16 av álopunum sigast at vera framd, eftir at hernaðarstýrið mikudagin boðaði frá einari fyribils vápnahvíld í kjalarvørrinum á jarðskjálvtanum, skrivar Ritzau.
Jarðskjálvtin hevði við sær stóran skaða, og boðað verður frá, at fleiri túsund fólk hava latið lív ella eru blivin særd.
Talið á fólki, sum hava latið lív í jarðskjálvtanum er í dag uppi á 3.300, og talið á særdum er nú 4.850, upplýsa statsmiðlar í Myanmar.
Vinarliga broyt tínar kennifíla - og privatlívsstillingar fyri at síggja hetta innihald