Uttanlands

Stóreldur á Bakkanum í nátt

Balkon 51 brendi í grund

(Mynd: Beredskab Øst)

(Mynd: Beredskab Øst)

2018-10-18 08:42 Author image
Ingi Samuelsen
placeholder

Sløkkilið hevur í alla nátt arbeitt við at sløkkja ein stóran eld í stuttleikalundini Dyrehavsbakken í Klampenborg norðan fyri Keypmannahavn. Eldur kom í eina matstovu, og tíðliga í morgun brendi framvegis, upplýsir Nordsjællands Politi fyri Danmarks Radio.

Eldurin kyknaði í matstovuni, sum eitur Balkon 51, beint fyri klokkan 21 í gjárkvøldið, tá lundin skuldi steingja. Dyrehavsbakken hevur eyka leingi opið, nú heystferia er í Danmark eisini.

Ongin kom til skaða í stóra eldinum. Hendingin forðar heldur ikki fyri at Bakken kann lata uppaftur í dag.

Bakken er millum best dámdu vitjanarmálunum á Sjællandi. Tað er bert Tivoli í Keypmannahavn, ið hevur fleiri gestir. 

placeholder
placeholder