Strikað 1,3 milliardir falskar brúkarar millum oktober og desember

Í tíðarskeiðnum oktober – desember strikaði Facebook 1,3 mia. falskar brúkarar. Tað  sigur fyritøkan í dag.

Sambært tíðindastovuni Reuters hevur Facebook í løtuni 35.000 starvsfólk, sum arbeiða við trupulleikanum við skeivum ella villeiðandi upplýsingum á sosiala miðlinum.

Facebook sigur eisini, at tey hava strikað fleiri enn 12 mió. uppsløg um covid-19 og koppseting, sum altjóða serfrøðingar á heilsuøkinum siga innihalda skeivar ella villeiðandi upplýsingar.