Summarfestivalurin: Onki bátapláss eftir

Um tað var nakar, ið enn ikki er farin til Klaksvíkar á Summarfestival, men ætlaði at fara við báti, er nú ov seint. Norðoya Kunningarstova váttar fyri portalinum, at øll bátaplássini nú eru tikin. 

- Tað er onki bátapláss, men nøkur fá húsvognapláss eftir, segði Elsa Poulsen, leiðari á kunningarstovuni við portalin fyri døgurða. 

- Eg havi ikki eitt neyvt tal, men vit hava selt beint undir 100 bátapláss, greiðir hon frá. Elsa Poulsen sigur eisini, at tað eru føroyingar, sum koma í báti og við húsvogni á festival. Hon sigur at hetta økið ikki hevur verið merkt av, at talið á ferðafólkum er vaksandi.