Innanlands

Sunda kommuna latið tilboðini uppá bussleiðina upp

5.604 ferðandi koyrdu við bussleiðini í 2017

Tilvildarlig mynd

Tilvildarlig mynd

2018-11-02 08:30 Author image
Ari av Rana
placeholder

Tilboðini uppá bussleiðina í Sunda kommunu vórðu upplatin á fundi á døgurða hósdagin 1. november. Trý feløg bjóðaðu, tey vóru IR Lastbilar, HK Bussar og HZ Bussar.

Tilboðini síggjast her:

 (tøl u/mvg)Ferðaætlan AFerðaætlan B
TilboðsgevariLeið 1 og Leið 2 íaltLeið 1Leið 2
IR Lastbilar540,00540,00595,00
HK Bussar409,77409,77737,00
HZ Bussar395,00395,00395,00

Lægsta tilboð hevði HZ Bussar. Umsitingin skal nú gera eina innstilling til trivnaðar nevndina, sum skal taka støðu til øll tilboðini og leggja eina tilráðing fyri fíggjarnevndina. Fíggjarnevndin leggur síðan málið fyri býráðið, og roknað verður við at málið verður avgreitt í november.

Tað var í 2017, at borgarar í Sunda kommunu fingu íkeypis bussleið. Higartil hevur hetta verið ein royndarverkætlan uppá eitt ár í senn, men nú er Bussleiðin boðin út í eitt fimm ára tíðarskeið.

Bussleiðin verður nógv brúkt. Í 2017 koyrdu tilsamans 5.604 ferðandi við bussleiðini. Og hagtølini fyri 2018 vísa nakað tað sama tal av ferðandi higartil í ár.

placeholder
placeholder