Tingið mintist Karl Robert Johansen

Áðrenn farið varð undir dagsskránna í løgtinginum helt Jógvan á Lakjuni, løgtingsformaður, minningarorð fyri Karl Robert Johansen av Strondum, sum doyði herfyri, 76 ára gamal.

Karl Robert Johansen hevði eitt langt arbeiðslív á sjónum, men var eisini virkin í nærsamfelagnum, eitt nú sum sóknarstýrisformaður og virkin innan arbeiðararørsluna.

Karl Robert Johansen stillaði upp fyri Verkamannafylkingina á valinum 7. juli 1994. Hann varð ikki valdur, men kom á løgting tá Óli Jacobsen settist í landsstýrið í eitt knapt ár. Fram til 1998 sat Karl Robert Johansen fleiri ferðir á tingi sum eykamaður hjá Verkamannafylkingini.