Tingmenn: Ynskja ikki at avtaka dýra biðidag

Ongar ætlanir eru um at gera, eins og danir ætla, og avtaka dýra biðidag. Tað siga tingmenn úr Sambandsflokkinum, Framsókn og Miðflokkinum við Trúboðan.

Javnaðartingmaðurin Jóhannis Joensen segði í skrivi, at føroyingar ikki mugu gera sama feil sum danir, og er tað týdningarmikið, at fáa ein triltrongdan skáa frá gerandisliga meldrinum.

Les eisini: – Mugu ikki gera sama feilin sum danir

Sólvit Nolsø, tingmaður fyri Framsókn sigur eisini, at fíggjarligi vinningurin av at avtaka hendan frídagin ikki stendur mát við tað, vit missa við at avtaka hann.

Jenis av Rana, formaður í Miðflokkinum sigur við Trúboðan, at tað at avtaka hendan heiligdagin vildi verið "eini ógrundað og óneyðug boð at sent frá leiðslu landsins".

Helgi Abrahamsen, tingmaður fyri Sambandsflokkin vísir á, at halgidagslógin er yvirtikin, og eiga føroyingar einsamallir at taka avgerð um, hvørt dýri biðidagur skal avtakast ella ikki.