Tórsgøta letur upp á netinum

– Í Tórsgøtu elska vit list, og tí ynskja vit at rætta listafólki eina hjálpandi hond. Tònleikarar og listafólk bløða í hesum døgum, og tí fara vit í Tórsgøtu at skipa fyri beinleiðis tiltøkum, har endamálið er at stuðla listafólki og fjálga um føroyingar, nú korona hevur vent tilveruna á høvdið, stendur í tíðindaskrivi.

Heilt nógvir bólkar høvdu fullan kalendara í mars, men knappliga kom korona og hálaði stikkið úr. Men nú verður stikkið sett í aftur við at skipa fyri beinleiðis konsertum frá Reinsarínum, sum so verða stroymdar á netinum.

Í byrjanini verður talan um tvær konsertir um vikuna, har endamálið er bæði at geva føroyingum møguleika at hoyra alt tað fjølbroytni, íð rørir seg í tónleikaheiminum, men eisini at skapa inntøkur til tónleikarar.

Arbeitt verður somuleiðis eisini við at skipa fyri øðrum mentanartiltøkum, sum bókaframløgur, upplestur og annað. Nærri kunning kemur um hetta seinni.