Ari av Rana
Tórshavnar kommuna fer nú at yvirtaka privata savnið hjá Brigari Johannesen. Seinastu tíðina hevur verið arbeitt við at yvirtaka savnið og í morgun varð avtala gjørd um, at Birgar Johannessen letur Tórshavnar býarsavni lutirnar í privata savninum.
Birgar hevur altíð havt áhuga fyri gomlum lutum, og fór undir eitt miðvíst innsavningararbeiði fyrst í nítiárunum. Talan er um fleiri enn 1000 lutir, ið nú eru latnir Tórshavnar býarsavni.
Tórshavnar býarsavn fegnast um hesa stórfingnu gávu, sum verður bulurin í komandi framsýningarvirkseminum hjá býarsavninum.
Arbeitt verður við at útvega Tórshavnar býarsavni høli til fast framsýningarvirksemi. Fyribils verður framsýningin hjá Birgari verandi í Niels Finsensgøtu 38 og verður opin eftir avtalu.
(Gunnvør Balle, forkvinna í Mentanarnevndini hjá Tórshavnar kommunu, Annika Olsen, borgarstjóri, og Birgar Johannesen)
Vinarliga broyt tínar kennifíla - og privatlívsstillingar fyri at síggja hetta innihald