Tríggir bilførarar tiknir fyri rúsdrekkakoyring

Um hesa tíðina á árinum eru nógv jólaborðhald, og í hesum sambandi hevur løgreglan gjørt eitt málrættað átak móti rúsdrekkakoyring í nátt.

Úrslitið var, at tríggir bilførarar vórðu tiknir fyri at koyra, meðan teir vórðu ávirkaðir av rúsdrekka. Tveir í Havn og ein í Vágum.

Vakthavandi á politistøðini sigur, at ferðslan økist í hesum døgum, tá fólk fara til og frá jólaborðhald, og halda tey tí meira eyga við ferðsluni.

Vakthavandi leggur afturat, at løgreglan eisini hevur verið nógv til staðar í náttarlívinum, men at fólk sum heild hava verið friðarlig.