Alda Nielsdóttir
Amerikanski forsetin, Donald Trump er boðin á vitjan í Italia, eftir at italski forsætisráðharrin, Giorgia Meloni vitjaði hann í Hvítu Húsunum hósdagin.
Vitjanin verður einaferð í nærmastu framtíð, siga Trump og Meloni í felags fráboðan, sambært Ritzau.
Trump hevur ikki verið uttanlands, síðan hann byrjaði sítt seinna valskeið í Hvítu Húsunum 20. januar, men sambært miðlinum Axios er eisini ætlanin, at Trump skal vitja í Saudiarabia miðskeiðis í mai.
Enn er ikki greitt, nær amerikanski forsetin fer til Italia, men møguliga verður eisini fundur millum USA og Evropa í sambandi við hesa vitjan, stendur í fráboðan frá Hvítu Húsunum.
Amerikanski varaforsetin, J.D. Vance vitjaði í Italia í gjár, har hann eisini hitti Giorgia Meloni.
Les eisini: Trump og Meloni vís í, at ES og USA kunnu gera eina tollavtalu
Vinarliga broyt tínar kennifíla - og privatlívsstillingar fyri at síggja hetta innihald