Trý valevni til nevndina í Starvsfelagnum

5. mars verður aðalfundur hjá Starvsfelagnum, og á nevndarvalinum standa tveir limir fyri valli.

Teir eru Noomi K. Rasmussen og Hilmar Augustinussen, men Noomi K. Rasmussen hevur boðað frá, at hon stillar ikki upp aftur til nevndina.

Nú uppstilling til nevndarvalið er liðug, boðar Starvsfelagið frá, at trý fólk stilla upp til nevndarvalið.

Umframt Hilmar Augustinussen, sum starvast á Gjaldsstovuni, stilla Hildigerð Djurhuus og Hergeir Staksberg eisini upp. Tey starvast á ávikavíst Posta og í Tórsgøtu.