Tveir bilar í óhappinum

Eitt ferðsluóhapp hendi við Hvalvík líka við har sum vinnuøkið er í bygdini. Løgreglan hevur ikki meiri at siga í løtuni enn at onkur persónskaði er.

Ferðsluóhappið hevði við sær, at sera langar bíðirøðir stóðust, men nú byrjar at koma glið á ferðsluna aftur. Løgreglan stýrir ferðsluni og leiðir hana í bólkum framvið ferðsluóhappinum.

Persónar á staðnum siga, at tveir bilar vóru við í ferðsluóhappinum, og at annar bilurin er farin av vegnum. Bilurin, sum er farin av vegnum sær út til at hava fingið nakað av skaða.