Tveir maskinmeistarar skeldaðu Eyðdis Hartmann Niclasen um abort - eru burturvístir

Tveir maskinmeistarar eru burturvístir av Smyril Line fyri ágang móti Eyðdis Hartmann Niclasen, tingkvinnu fyri Sambandsflokkin, ið eisini er partur av leiðsluni í Smyril Line.

Tað er Frihedsbrevet, sum skrivar søguna í dag.

Hetta fór fram á jólaborðhaldinum hjá Smyril Line fyrr í mánaðinum. Sambært keldum hjá miðlinum vóru menninir rættiliga fullir, og vóru farnir at skelda Eyðdis Hartmann Niclasen fyri hennara støðu í abortmálinum, sum dagin fyri jólaborðhaldið, varð samtykt í tinginum.

Eyðdis Hartmann Niclasen er umframt tingkvinna eisini executive assistant í reiðarínum.

Jens Meinhard Rasmussen, stjóri í Smyril Line, váttar fyri Frihedsbrevet, at tveir persónar eru burturvístir, men vil ikki úttala seg meira um málið, sum er eitt starvsfólkamál.