Video: Tyrluvanlukka í New York kravt seks mannalív

(Video: EFE/EPA)

Seks fólk doyðu tá ein tyrla datt niður í Hudson-ánna í New York í kvøld.

Eric Adams, borgarstjóri í New York, sigur sambært Reuters, at øll seks umborð lótu lív og trý teirra vóru børn.

(Mynd: EPA)

Miðilin ABC News visti fyrr í kvøld at siga, at tey deyðu eru tyrluskiparin og fimm ferðafólk úr Spania.

Tyrlan var í luftini í umleið 15 minuttir áðrenn hon datt niður.

Fráboðanin um vanlukkuna kom klokkan 15:30 lokala tíð.